Жарияланған күні: 06.07.2025
Облыс құтқарушыларына су жаңа техника берілді
Облыс орталығына ҚР Төтенше жағдайлар министрі Шыңғыс Әрінов келді. Еліміздің бас құтқарушысы СҚО әкімінің бірінші орынбасары Марат Тасмағанбетовпен бірге салтанатты шараға қатысты.
Петропавлдың орталық алаңында өткен шара барысында өртсөндірушілерге 11 өрт сөндіру техника табысталды. Арнайы көліктердің кілтін ҚР ТЖД министрі беріп, өңір құтқарушыларының жұмысына алғыс білдірді.
Министір Есіл өзенінің жағалауында су-құтқару станциясының ашылуына да қатысты. Жаңа нысан судағы төтенше жағдайларға жедел әрекет ету және жағалау аумағындағы азаматтардың қауіпсіздігін қамтамасыз етпек.