Жарияланған күні: 08.07.2025
СҚО әкімі «Ауыл» партиясының төрағасымен кездесті
Облыс әкімі Ғауез Нұрмұхамбетов ҚР Парламенті Мәжілісінің депутаты, «Ауыл» партиясының төрағасы Серік Егізбаевпен жүздесті.
Кездесуде агроөнеркәсіптік кешенді дамыту, ауылды қолдауға бағытталған заңнамалық базаны жетілдіру және ауыл шаруашылығы саласындағы өзекті мәселелерді кешенді шешу жолдары талқыланды.
Жұмыс сапары аясында «Ауыл» партиясының делегациясы облыс орталығы мен аудандардағы бірқатар өнеркәсіптік, ауыл шаруашылық және әлеуметтік нысандарды аралап, ауыл тұрғындарымен кездесулер өткізуді жоспарлап отыр.