Айыртау ауданындағы демалыс орындарының бірінде орман төсенішінің өрті тіркелді. Бұл туралы ТЖ министрлігі хабарлап отыр. 

Табиғи өртті сөндіруге Төтенше жағдайлар министрлігінің күштері, орман шаруашылығы қызметкерлері, сондай-ақ министрлікке қарасты тікұшақ жұмылдырылды.

— Өрт таулы және қиын жер бедерінде шыққандықтан, сөндіру жұмыстары біршама күрделі болды, — деп жазды ведомстводан.

Министрліктің мәліметінше, құтқару бөлімшелері мен орман күзетінің жедел әрі үйлестірілген іс-қимылдарының арқасында өрт бастапқы даму кезеңінде сөндірілген. Бұл оның кеңінен таралуына жол бермеді.

Петропавлдың аулалары жаңа кейіпке енуде