Жарияланған күні: 12.07.2025
Жас агроном баспаналы болды
Ауылда жастарды ұстап қалу үшін не істеу керек? Бұл сұраққа нақты жауап – оларға жайлы өмір сүруге мүмкіндік жасап, қолдау көрсету. Мамлют ауданының Новомихайловка ауылында осындай қолдаудың жарқын көрінісі. Бұл ақпаратты «Аманат» партиясы СҚОФ ұсынып отыр.
⠀
Полтавка ауылында дүниеге келген Артур Байдель 2012 жылдан бері Новомихайловкада тұрып келеді. Ол ауыл шаруашылығына бала кезінен қызығып, бұл салаға шын ықыласпен келген жас маман. 2023 жылы агроном мамандығы бойынша жоғары оқу орнын үздік аяқтаған соң, «Новомихайловское – 2003» ЖШС-не тұрақты жұмысқа орналасып, бір жылдың ішінде бас агроном лауазымына дейін көтерілді.
⠀
Артур қазіргі таңда ата-анасымен бірге тұрады. Бірақ болашаққа сенімді қадам жасау үшін өз баспанасының болуы өте маңызды екенін түсінеді. Осы мәселені шешу үшін ол аудандық мәслихат депутаты әрі өзі қызмет атқаратын шаруашылықтың басшысы Вячеслав Щеголевке жүгінді.
⠀
Депутат жас маманның өтінішін қабылдап, бұл мәселені «Новомихайловское – 2003» серіктестігінің құрылтайшылар жиналысына шығарды. Нәтижесінде Артурға үй салу туралы шешім қабылданып, 2024 жылы жеке тұрғын үй үшін жер телімі рәсімделді. 2025 жылдың көктемінде құрылыс жұмыстары басталады. Осы бастамамен қатар, тағы бір жас инженерге де дәл осындай үй салу жоспарланды. Әр үйдің құрылыс жұмыстарына 50 миллион теңге бөлінді.
⠀
— Мен өз туған жерімде еңбек етіп, ауыл шаруашылығын дамытуға үлес қосқым келеді. Бұл ауылда ұзақ жылдар бойы тұрып, отбасымды құрып, елге пайда әкелуді мақсат етіп отырмын. Ал үшінші мәселе – мен үшін тұрғын үйдің болуы, – деп бөлісті Артур Байдель.
⠀
Вячеслав Щеголевтің пікірінше, жастарға қолайлы жағдай жасау – ауылдың болашағына салынған нақты инвестиция.
⠀
Артурдың оқиғасы – «AMANAT» партиясының өңірлік қоғамдық қабылдау бөлмесіне келіп түскен өтініштерге көрсетілген нақты көмектің бір мысалы. 2025 жылдың басынан бері бұл бөлімге 3,5 мыңнан астам өтініш келіп түскен. Олардың жартысына жуығы оң шешімін тауып, жергілікті билік пен депутаттардың бірлесе атқарған жұмысының нәтижесінде жүзеге асуда.