Қаладағы «Орман» шағынауданындағы көшелерге атау берілді

«Орман» шағынауданы қаламыздағы жас мөлтек аудандардың бірі. Биыл ономастикалық комиссия депутаттар қарауына бірнеше көшеге атауларды ұсынды.

Халық қалаулылары 7-і бойынша шешім шығарды. Осылайша, №1 көше – Бейбітшілік, №2 көше – Самал, №3 көше – Арасан, №4 көше – Шалқар, №5 көше – Өркениет, №6 көше – Мереке және №7 көше – Бурабай көшесі деп аталды.

Ономастикалық жұмыстарды жүргізу барысында «Қазақстан Республикасындағы ономастикалық жұмыстарды ұйымдастыру жөніндегі әдістемелік ұсынымдар», «Дәстүрлі атаулар», «Жер-су атауларының тарихы» тізбелерін басшылыққа алған.