Қала әкімі: «Түнде қала жарқырауы тиіс»

Петропавл қаласы әкімінің қабылдауына келген Бейбіт Қожанов, ол тұратын үйдің қасбетіндегі жарық шамдары істемей отырғанын алға тартты. Дәл қаланың ортасында орналасқан 9 қабатты ғимараттың қараңғылықты тұруы дұрыс емес екендігін жеткізді. 

Бұл мәселені қала әкімі Серік Мұхамедиев өз бақылауына алып, арнайы комиссия барлық үйлердің жарықтарын тексеруін жүргізетінін жеткізді. 

Кейін қала әкіміне жеткізілген ақпарат бойынша көпқабатты үйдің қасбеті техникалық ақауларға байланысты жарықсыз тұрды. Серік Мұхамедиев қала бюджетінен қаражат бөлініп, мәселе шешілетінін жеткізді. 

— Қаланың үйлері Петропавлға көрік беріп тұруы қажет. Қасбеттеріндегі жарық жанып тұруы тиіс. Бұл мәселені назарда ұстаймын, — деді қала әкімі.