СҚО-ДА ОСЫДАН 4 ЖЫЛ БҰРЫН ЖОҒАЛҒАН ЕР АДАМНЫҢ СҮЙЕГІ ТАБЫЛДЫ
Өңірде 2019 жылы із-түссіз жоғалып кеткен солтүстікқазақстандық азаматтың денесі табылды. Бұл туралы LIDER.KZ еріктілері Instagram әлеуметтік желісінде жариялады.
Шілденің 3- і күні Қызылжар ауданына қарасты Налобино ауылының маңында орналасқан орманда жидек теріп жүрген азамат, адамның қаңқасына тап болған. Артынша ол бірден тәртіп сақшыларына хабар берген. Полиция қызметкерлері бірден сараптама тағайындады. Оның қорытындысына сәйкес, орманнан табылған ер адамның сүйектері осы ауылда 1960 жылы туған азамат екендігі белгілі болды. Еріктілередің мәліметше Мадей Олег Станиславович 2019 жылдың 31 тамызында үйінен шығып кетіп, сол күйі оралмаған. Осыған дейін іздеу шаралары жүргізілген болатын. Бірақ еш нәтиже болмаған
Қазіргі таңда құқық қорғау органдары тексеріс жұмыстарын жүргізіп жатыр.