Шахтадағы апат: Өзбекстан президенті қазақстандықтарға көңіл айтты

Өзбекстан басшысы Шавкат Мирзиеев Қарағанды облысында орналасқан Костенко атындағы шахтада болған қайғылы оқиғаға байланысты Қазақстан президентімен телефон арқылы сөйлесті, деп хабарлайды тілшіміз  Kazinform. сайтына сілтеме жасап.

Қазақстан Президентімен хабарласқан Шавкат Мирзиеев осы оқиғаның салдарын жою үшін қажетті көмек көрсетуге дайын екенін айтты.

«Өзбекстан президенті шахтада қалған кеншілерді тезірек құтқаруға үміттенетінін және осы оқиғаның салдарын жоюға қажетті көмек көрсетуге дайын екенін айтты», — делінген аталған ел басшысының ресми сайтында.

Сондай-ақ телефон арқылы екіжақты және өңірлік күн тәртібіндегі өзекті мәселелер талқыланған.

Еске салайық, бүгін түнде Қарағанды облысындағы Костенко атындағы шахтада өрт болды. Сағат 17.33-тегі мәлімет бойынша 33 кеншінің денесі табылды. 13 адам іздестіріліп жатыр. 20 жұмысшы ауруханаға  жеткізілді.