Петропавлдағы лорд мектеп-лицейі 30 жылдық мерейтойын атап өтті

Петропавлдағы ЛОРД  дарынды балаларға мамандандырылған облыстық мектеп-лицей-интернатының ашылғанына 30 жылдық мерейтойын атап өтті, деп хабарлайды  тілшіміз.

Мереке «Лицей жұлдыздары»  атты оқушылар шеруімен басталды.  Оған халықаралық, республикалық олимпиадаларда және тағы да басқа сайыстарда жетістікке жеткен оқушылар сап түзеді.

Бүгінгі күнге дейін  аталған білім ордасын  650-ден астам түлек тамамдап,  10 пайыздан астамы  ғылыми жолды таңдапты.

Салтанатты  шарада облыстық  білім басқармасының басшысы Нәзір Жәшібеков  лицейдің бірегей жетістіктері мен толағай табыстарына тоқтала келе мектеп ұжымына шығармашылық табыс тілеп, 5 миллион теңгенің  сертификатын  тарту етті. Сонымен қатар   оқушыларға сапалы білім, саналы тәрбие беруде қажырлы еңбек етіп жүрген  қазақ тілі мен әдебиеті пәндерінің мұғалімі, педагог-зерттеуші Салтанат Махмутова, бейіндік оқыту жұмысы бойынша директордың орынбасары, педагог-психолог-зерттеуші  Елена Симонова, қазақ тілі мен әдебиеті пәндерінің мұғалімі, педагог-зерттеуші  Анар Аубакирова «Мағжан Жұмабаев»  төсбелгісімен   марапатталды.

Бір топ ұстазға    облыстық білім басқармасының Құрмет грамотасы, Дарын республикалық ғылыми-практикалық орталығының Алғыс хаты табысталды.