Петропавлда әкімшілік ғимараттың жертөлесі өртке оранды

Петропавлдағы үш қабатты әкімшілік ғимараттың жертөлесі өртенді. Қызыл жалын шарпыған аумақ 60 шаршы метрді құрады. 

СҚО ТЖД мәліметінше, төтенше жағдай сағат 22:37-де орын алды. Ғ.Мүсірепов көшесінде орналасқан әкімшілік ғимараттың жертөлесінде өрт шықты. Оқиға орнына дереу құтқарушылар жөнелтілді.

– Қызыл жалынды ауыздықтауға жеке құрамның 23 адамы мен 7 техника жұмылдырылды. От сағат 23:29-да сөндірілді. Улану белгілері бар 1985 жылы туған ер адам ауруханаға жатқызылды, — делінген ведомство таратқан мәліметте.