ПЕТРОПАВЛДА АКЦИЗДЕЛМЕГЕН 500 ЛИТР АЛКОГОЛЬДІК ӨНІМ ТӘРКІЛЕНДІ

Солтүстікқазақстандық полиция қызметкерлері «Жас өркен» ықшам ауданында заңсыз іспен айналысқан күдіктіні қолға түсірді. Ол 19 жастағы Петропавл қаласының тұрғыны болып шықты. Арнайы жедел-іздестіру шарасы барысында тәртіп сақшылары сезіктінің көлікжайынан акцизделмеген жарты литрлік мың бөтелке арақ тәркілеп алды.

Табылған өнімнің жалпы көлемі 500 литрді құрайды. Жігіттің айтуынша алкогольдік қнімдерді  сату үшін сақтаған.

Учаскелік полиция инспекторлары аталған факті бойынша материал жинап, тәркіленген ішімдікті сараптамаға жіберді.