СҚО-да жол көлік апаты салдарынан екі адам қаза тапты

СҚО-да жол апаты болып, салдарынан екі адам мерт болды. Бұл туралы облыстық полиция депратаментінің баспасөз қызметі хабарлады.

17 тамыз кешкі сағат 21:45 шамасында «Астана – Петропавл» автожолының 431 шақырымында, яғни Аққайың ауданына қарасты Аралағаш ауылының маңында «Toyota Hiace» автокөлігімен тіркемесі бар «MAN» жүк көлігі соғысқан.  

Салдарынан екі автокөлік те оқиға орнында жанып кетті.

«Toyota Hiace» автокөлігінің 52 жастағы жүргізушісі мен оның 54 жастағы жолаушысы, екеуі де Астана қаласының тұрғындары екендігі белгілі болды. Жол-көлік апатынан жерде екі замат көз жұмды.

Ал «MAN» жүк көлігінің 43 жастағы жүргізушісі түрлі дене жарақатын алды. Ол бірден облыстық көпбейінді ауруханаға жеткізіліп, ем қабылдауға жатқызылды.

«Жол-көлік оқиғасы фактісі ҚР ҚК 345-бабы бойынша Сотқа дейінгі тергеп-тексерулердің бірыңғай тізіліміне енгізілді. Қазіргі уақытта аталған дерек бойынша тиісті сараптамалар тағайындалды. Оқиға орнымен көліктер мұқият тексеріліп, барлық мән-жайды зерделеуге бағытталған қажетті тергеу әрекеттері жүргізіліп жатыр.  Оның қорытындысы  бойынша түпкілікті процестік шешім қабылданатын болады», — делінген СҚО ПД баспасөз қызметі таратқан хабарламада.