Бескөл ауылында 15 жастағы қызды тонаған күдікті іздестіріліп жатыр

Қызылжар ауданының орталығы Бескөл ауылында 15 жастағы қызды тонап кетті. Бұл туралы СҚО ПД баспасөз қызметі ақпарат таратты.

Қылмыс туралы хабарлама СҚО ПД Қызылжар аудандық полиция бөлімінің «102» пультіне 24 тамыз күні түскен. Белгісіз азамат жасөспірімнің бір мың теңгесін қолды қылған.

Аталған факт ҚР ҚК 191-бабы 2-бөлігінің 1-тармағы «Тонау»  бойынша сотқа дейінгі тергеп-тексерулердің бірыңғай тізілімінде тіркелді.

Қазіргі уақытта тәртіп сақшылары осы қылмыстық құқық бұзушылықты жасаған адамды анықтауға бағытталған жедел-тергеу іс-шараларын жүргізіп жатыр. Әзір пысықай қолға түскен жоқ.