СҚО-да белгісіз азамат темір торға есірткі затын өткізбек болды

Солтүстік Қазақстан облысындағы түзету мекемелердің бірінде жазасын өтеп жүргендердің біріне есірткі затын жеткізбек болған азаматтың әрекеті әшкереленді, деп хабарлайды  тілшіміз.

СҚО бойынша ҚАЖД-ға қарасты №48 мекемесінің қызметкерлері жазасын өтеушіге жолданған сәлемдемені тексеру кезінде темекі сүзгісінен өсімдік тектес қара-қоңыр затты тауып алды.

Оқиға орнынан бірден Петропавл қалалық ПБ жедел-тергеу тобы шақыртылды. Артынша тәркіленген сезікті зат сараптамаға жіберілді.

Қорытындысы бойынша оның есірткі заты екендігі белгілі болды.

Қазіргі кезде сәлемдемені жөнелтуші азаматқа қатысты ҚР ҚК-нің 296-бабы 2-бөлігі бойынша қылмыстық іс қозғалып, тергеу амалдары жүргізіліп жатыр.