Облыс орталығында автогаз тапшы

Петропавлдың көлік жүргізушілері автогаз табу үшін бірнеше жанар-жағармай құю бекеттерін аралауға мәжбүр, деп хабарлайды тілшіміз. Облыс орталығындағы жанар-жағармай құю стансаларында «газ жоқ» деген хабарландыру жиі кездеседі.

Мен қағазға «Газ жоқ» деп жазып қойдым. Себебі тұрғындарға газ жоқ екенін түсіндіруден шаршадым, – деген жанармай құю стансасының қызметкері Сергей Степанов соңғы күндері газ аз әкелінетінін айтты.

Аталған сұраққа қатысты облыстық энергетика және түрғын үй коммуналдық шаруашылығы басқармасының мамандарды түсініктеме берді.

«СҚО аумағында сұйытылған газды 17 ұйым сатады. 118 АГТС бар, оның 36 – сы Петропавлда орналасқан. Аймақта айына автогаз тұтыну 5500 тоннаны құрайды. Өңірге газ жеткізушілер – «СНПС-Ақтөбемұнайгаз» АҚ және «Павлодар мұнай-химия зауыты» ЖШС-і. Газ талондары бойынша «Серіктес трейд» ЖШС — 19 АГЗС сатады. Бүгінде бұл компанияға 252 тонна отын жөнелтілді. 10 қыркүйекте «Промгаз» ЖШС-не 250 тонна келеді деп күтілуде. «Рока» ЖШС-де еркін сатылым ашылады, 9 қыркүйекте 180 тонна келеді деп күтілуде», — деді СҚО әкімдігінің энергетика және ТКШ басқармасы басшысының міндетін атқарушы  Владислав Лукин.