СҚО-да үш ауданның әкімі сайланады

Солтүстік Қазақстан облысында үш ауданның әкімі сайланады. Маңызды дода өңірде 5-ші қарашада өтеді, деп хабарлайды тілшіміз.

Облыстық мәслихаттың кезектен тыс VI сессиясында аудан әкімдерінің сайлауы өтетін күн нақтыланды. Саяси дода 5-ші қарашаға белгіленіп отыр. Бұл күні Есіл, Мамлют және Тимирязев аудандарының халқы өз әкімдерін сайламақ.

Естеріңізге сала кетейік, аудан әкімдерінің сайлау алғаш рет ұйымдастырылатын болады. Осыған дейін халық ауыл әкімдерін таңдаған еді.