Петерфельд ауылы маңында болған жол көлік апаты салдарынан бір адам мерт болды

Қызылжар ауданына қарасты Петерфельд ауылының маңындағы «Челябі – Новосібір» автожолының 520 шақырымында «Lexus» көлігі және «ЗИЛ 131» жүк көлігімен соқтығысты. Оқыс оқиға кеше түнгі сағат 23-10 шамасында болған, деп хабарлайды тілшіміз.

Жол-көлік  апаты салдарынан 27 жастағы «Lexus» автокөлігінің жолаушысы оқиға орнында қайтыс болды. Ал салонда болған 56 жастағы ер адам, алған жарақатына байланысты медициналық мекемеге жатқызылды.

«ЗИЛ 131» жүк көлігінің 43 жастағы жүргізушісінен медициналық куәландыру жүргізу үшін қан алынды. Алдын ала болжам бойынша ол спирттік ішімдік ішпеген. Көлік құралдары арнайы автотұраққа орналастырылды.

Бұл жәйтқа қатысты СҚО ПД баспасөз қызметі түсініктеме берді.

«Аталған факт ҚР ҚК 345-бабының 3-бөлігі бойынша сотқа дейінгі тергеп-тексерулердің бірыңғай тізілімінде тіркелді. Қазіргі уақытта істің барлық мән-жайларын зерттеуге бағытталған тергеу әрекеттері жүргізілуде, олардың нәтижелері бойынша түпкілікті процестік шешім қабылданатын болады», — делінген СҚО ПД баспасөз қызметі таратқан хабарламада.