Петропавл қаласының тұрғыны 18 жастағы жетім қызды жезөкшелікпен айналысуға мәжбүрлеген

Петропавлда 39 жастағы әйел жезөкшелер үйін басқарғаны, алаяқтық жасағаны және адам саудасы үшін сотталды, деп хабарлайды тілшіміз СҚО ПД баспасөз қызметіне сілтеме жасап.

Іс материалдарынан белгілі болғандай, 2022 жылдың мамыр айында Петропавл қаласының 39 жастағы тұрғыны жалдамалы пәтерінде «жезөкшелер үйін» ұйымдастырған.

WhatsApp желісі арқылы массажшы ретінде жұмысқа қабылдауға уәде беріп, ол Ақмола облысынан келген 18 жастағы жетім қызды жезөкшелікпен айналысуға мәжбүрлеген.

«Бойжеткен интимдік қызмет көрсету саласынан қашып, колледжде оқуын жалғастыруға бірнеше рет әрекеттенген. Бірақ әлгі әйел ​​оған физикалық күш пен моральдық қысым көрсету арқылы оны қайтарып алған. Ол клиенттерден алған барлық ақшаны иемденіп отрған. Ол бойжеткеннің асыраушысынан айырылған жағдайға байланысты төленген 2,7 миллион ​​теңгеге жуық банктегі ақшасын алдап алып алған. Сол кезде қыздың банк қосымшасына кіре алғанын пайдаланып, жинақталған 150 мың теңге көлеміндегі шәкіртақыны да өзіне аударған», — делінген полиция департаментінің баспасөз қзметі таратқан хабарламада.

Солтүстік Қазақстан облысы полиция департаментінің Ұйымдасқан қылмысқа қарсы күрес басқармасының басшысы полиция полковнигі Жандос Басыбаев атап өткендей, мұндай қылмыстардың жасырын болуы мен ұзақтығы көбіне жәбірленушілердің құзырлы органдардан көмек сұрауға батылы жетпеуімен байланысты.

Бұл жағдайда да 18 жастағы жетім бала өзіне көрсетілген заңсыз әрекеттерге қарамастан полицияға ешқашан хабарласпаған. Бұл факті тағы бір қылмыстың ашылуының арқасында әшкере болды.

«2023 жылдың көктемінде Петропавлда тазалықшы жұмысын іздеп жүрген жас әйелді кездестіріп, «жеңгетай» оны Ақмола облысына сексуалдық құлдыққа 250 мың теңгеге сатуды ұйғарды. Осы ойын іске асыруға дайындық барысында оны Солтүстік Қазақстан облысы Ұйымдасқан қылмысқа қарсы күрес басқармасының қызметкерлері ұстады», — деді облыстық полиция департаментінің Ұйымдасқан қылмысқа қарсы күрес басқармасының басшысы полиция полковнигі Жандос Басыбаев.

Тамыз айында сот әйелді жезөкшелер үйін басқару, адам саудасы және алаяқтық үшін кінәлі деп таныды. Жеңілірек жазаны неғұрлым ауыр жазаға айналдыра отырып, сот оған алты жылға бас бостандығынан айыру жазасын тағайындады.