СҚО прокурорлары негізсіз жүмсалған 87 млн теңгені мемлекетке қайтарды
Солтүстік Қазақстан облысының прокурорлары бюджеттік қаражатты пайдалану саласында жүргізілген талдау барысында мемлекеттік сатып алулар туралы заңнама талаптарын дөрекі бұзушылықтарды анықтады, деп хабарлайды тілшіміз.
Мамлют аудандық тұрғын үй-коммуналдық шаруашылығы бөлімінің лауазымды тұлғалары «Мемлекеттік сатып алу туралы» заңның талаптарын бұзған. Дәлірек айтсақ, жалпы сомасы 87 миллион теңге болатын Покровка ауылын сумен қамту нысаны құрылысы үшін шарт жасап, атқарылмаған жұмыс үшін тқлем жасаған.
Прокурорлық қадағалау актісі және Әдеп бойынша Кеңестің ұсынысы бойынша тұрғын үй-коммуналдық шаруашылығы бөлімінің басшысы мемлекеттік қызметтің атына кір келтіргені үшін қызметтен босатылды, ал негізсіз төленген қаражат толық көлемде мемлекетке қайтарылды.