Петропавлда жол жүру ақысы қымбаттайды

Облыс орталығында қыркүйектің 25-сінен бастап  қоғамдық көліктерде жол жүру ақысы қымбаттады. Енді тұрғындар картамен 100 теңге төлесе, қолма-қол есеп айырысатын жолаушылар 170 теңге төлеуі тиіс.

Ал оқушылар картамен – 50, ақшалай 80 теңге береді. Жалпы, бүгінде қалада  күнделікті 18 бағытқа 185 автобус қатынайды. Қоғамдық көліктер күніне орта есеппен 75 мыңға жуық жолаушы тасымалдайды.

Мұнымен қоса қалада 3 ай бойы болмаған оқушылар картасы жеткізілді.

«Облыс орталығында жол ақысы соңғы рет 2017 жылы көтерілді. Одан бері дизель отыны қымбаттады, жұмысшылардың жалақысы өсті. Соған байланысты жаңа тариф бекітіліп отыр. Ал өзге өңірлердің жолақысы қаңтар айында өзгерген болатын», — дейді «СҚО Автокөлік одағы» қауымдастығының төрағасы Галина Семёнова.