СҚО әкімі Алексей Луценконы Азия ойындарындағы жеңісімен құттықтады

Өңір басшысы Ғауез Нұрмұхамбетов Алексей Луценконы Азия ойындарындағы жеңісімен құттықтады, деп хабарлайды  тілшіміз.

«Солтүстікқазақстандық велошабандоз Алексей Луценко жекелей сында Азия ойындарының чемпионы атанып, еліміздің қоржынына бесінші алтынды әкелді. Айта кету керек, біздің Алексей Азия ойындарының үш дүркін чемпионы атанды. Алда топтық жарыс бар, спортшымызға жеңіс тілеймін!», — деп жазды облыс әкімі Ғауез Нұрмұхамбетов әлеуметтік желідегі парақшасында.

Естеріңізге сала кетейік Қытайдың Ханчжоу қаласында жалауы желбіреген ХІХ жазғы Азия ойындарында Алексей Луценко ел қоржынына бесінші алтын медаль салды.