СҚО әкімінің орынбасары жаңа қызметке тағайындалды
Қазақстан Республикасы Үкіметінің қаулысымен Солтүстік Қазақстан облысы әкімінің орынбасары Сәтжан Әйтенұлы көлік вице-министрі болып тағайындалды. Бұл туралы ҚР Премьер-Министрінің Баспасөз қызметі хабарлайды.
Сәтжан Аблалиев 1970 жылы Атырау облысында дүниеге келген. Алматы автомобиль-жол институтын және Қазақ қатынас жолдары университетін бітірген.
Еңбек жолын 1987 жылы Оңтүстік Ембі мұнай барлау экспедициясы Орталық инженерлік-техникалық қызметінің операторы болып бастаған. 1996 жылдан 2004 жылға дейін Қазақ көлік және коммуникация академиясында жұмыс істеді. Көптеген жылдар бойы Көлік және коммуникация; Инвестициялар және даму; Индустрия және инфрақұрылымдық даму министрліктерінің құрылымында қызмет атқарды. Бұған дейін ол Солтүстік Қазақстан облысы әкімінің орынбасары болып жұмыс істеді.