Петропавлда грек–рим күресінен Жаңаберген Қармандаевты еске алуға арналған турнир жалауын көтерді

Солтүстік Қазақстан облысында грек-рим күресінен ашық республикалық турнир жалауын көтерді. Ол ҚР еңбек сіңірген жаттықтырушысы Жаңаберген Қармандаевты еске алуға арналған, деп хабарлайды тілшіміз.

Жаңаберген Қармандаев СҚО, Мамлют ауданының тумасы. Ол елге танылған жаттықтырушы. Грек-рим күресінен ҚР құрама басшысы болған. Бүгін Петропавлда жерлесімізді еске алуға арналған жарыс басталды. Оған 100-ден астам балуан қатысып жатыр.

«Талай шәкірт тәрбиеледі. Қазір сол балалар бапкерлік жұмыс істеп жатыр. Дүниежүзілік күрес федерациясының алтын орденімен марапатталды. Бүкіл дүниежүзіне әйгілі бапкер бола білді», – дейді Жаңаберген Қармандаевтың інісі Абылай Қармандаев.

Турнирге Қазақстанның 10 және Ресейдің 2 өңірінен спортшылар келген. Олар 10 салмақ дәрежесі бойынша өз араларында мықтыны анықтамақ. Турнир жеңімпаздары ертең анықталады. Жарыстың қорытындысы бойынша чемпиондар мен жүлдегерлер жеңімпаз белдігі, медаль және ақшалай сертификатпен марапатталады.