СҚО-да жол-көлік апаты болып, жеті адам жарақат алды

Солтүстік Қазақстан облысында жол –көлік апаты болып, жеті адам жарақат алды. Оқиға Қызылжар ауданына қарасты Новокаменка елді мекенінің маңында болды, деп хабарлайды тілшіміз.

Жол апаты төртінші қараша күні сағат 14-00 кезінде болған.

Солтүстік Қазақстан облыстық полиция департаменті баспасөз қызметінің хабарлауынша, «Жезқазған –Петропавл» республикалық маңызы бар автожолда «Toyota Camry» және «Daewoo Nexia» көліктері соқтығысып қалған.

Салдарынан жеті адам жарақат алды. Оқиға орнына барған жедел жәрдем қызметі бригадалары зардап шеккендерге алғашқы медициналық көмек көрсетті. Науқастардың барлығы артынша үйлеріне жіберді.

Көлік жүргізушілері медициналық куәлендіруден өтті. Оның қорытындысына сәйкес екеуі де ішімдік ішпегендігі белгілі болды. Ал олардың темір тұлпарлары  арнайы автотұраққа қойылды.