Петропавл қаласында көпқабатты үйлердің ауласының бірінен ер адамның мәйіті табылды

Петропавлдағы көпқабатты тұрғын үйлердің бірінің ауласынан  ер адамның мәйіті табылды  деп хабарлайды  тілшіміз.

Қайғылы оқиға  11 қараша күні болған. Оны тауып алған тұрғындар бірден полиция шақыртқан. Қазіргі таңда 58 жастағы азаматтың қайтыс болу себебін анықтау үшін мәйіт сараптамаға жіберілді. 

«11 қарашада 102 пультіне Алматы және 314-ші атқыштар дивизиясы көшелерінің қиылысында 58 жастағы ер адамның мәйіті табылғаны туралы хабарлама келіп түсті. Бұл оқиға «Адам өлімі» бабы бойынша ЕҚДБ-ның сотқа дейінгі тергеп-тексерудің бірыңғай тізілімінде тіркелген. Мәйіт сот-медициналық сараптамаға жіберілді. Тексеру жүргізілуде», -делінген  Солтүстік Қазақстан облысы полиция департаментінің баспасөз қызметі таратқан ақпаратта.