Биыл браконьерлер мемлекетке 13 млрд теңге шығын келтірген

Бүгін ІІМ Әкімшілік полиция комитеті табиғатты қорғау полициясының аға инспекторы Әлішер Жармағамбетов қоршаған ортаны қорғау заңдылықтарын бұзушылармен күрес мәселесі туралы айтты деп хабарлайды тілшіміз Halyq Uni сайтына сілтеме жасап.

Жыл басынан бері полиция қызметкерлері 300 мыңнан астам әкімшілік құқықбұзушылықты анықтады. Экологиялық құқықбұзушылықтар бойынша 304 сотқа дейінгі тергеу басталды. Мемлекетке келтірілген шығын 13 миллиард теңгеден асады. Жалпы браконьерліктің себебі – адамдардың заңсыз әрекеттерінің экожүйеге әкелетін салдарларының ауырлығын толық түсінбеуінде. Заңсыз, яғни орман, жануарлар, балық немесе жер қойнауы болсын, табиғи ресурстарды бақылаусыз пайдалану ауданның бүкіл экожүйесіне кері әсерін тигізеді, — деді Әлішер Жармағамбетов.

Осы орайда ол осы себепті мемлекеттік органдар бірқатар ұйымдастырушылық және заңнамалық шараларды қолға алып жатқанын атап өтті.

Жоғары тәуекел маусымдарында рейдтік іс-шараларды өткізуге ерекше назар аударылады. Мысалы, балық пен сүтқоректілердің уылдырық шашатын көктемгі кезеңінде, алғашқы қардың күзгі кезеңінде және жануарлардың ерекше осалдығы кезеңінде қорғау жұмыстары күшейтіледі. Осыған байланысты биыл 20 қазаннан 19 қарашаға дейін ІІМ «Браконьер» жедел профилактикалық іс-шарасын өткізіп жатыр. Оның мақсаты – жануарлар дүниесі, балық және орман шаруашылығы объектілерін, жер қойнауын заңсыз өндіру фактілерінің алдын алу және анықтау.

Іс-шара басталғаннан бері 61 қылмыстық және 2 мыңнан астам әкімшілік құқықбұзушылық анықталды. Сонымен қатар аңшылар арасында қару-жараққа салғырт қарау және аң аулау ережелерін бұзу, аң аулау кезінде жарақат алуға әкеп соқтыратын жағдайлар болып тұрады», — деді ІІМ өкілі.