СҚО-да Азия параойындарының қатысушыларына құрмет көрсетілді
Облыстық әкімдікте Азия параойындарының қатысушыларына құрмет көрсетілді, деп хабарлайды тілшіміз.
Олар құрлықтық жарыста жақсы өнер көрсетті. Параатлеттермен өңір басшысы Ғауез Нұрмұхамбетов кездесті.
Біздің елдің құрамында солтүстікқазақстандық жеңіл атлеттер Сергей Харламов, Иван Залезняк және Дмитрий Орлов қатысты. Ең жақсы нәтиже – қола жүлдеге ядро лақтырудан Иван Залезняк қол жеткізді, осылайша ол 2018 жылғы Пара Азия ойындарындағы нәтижесін қайталады.
«Параатлеттер мен бапкерлерге табандылық, батылдық пен жаңа белестерді бағындыруға деген құлшынысы үшін алғыс білдірдім. Сіздер — өмірдегі нағыз күрескерсіз және көптеген адамдарға шабыт сыйлайсыз. Жігіттеріміздің спортта келешегі зор екеніне сенімдімін, олардың есімдерін маңызды жарыстардың жеңімпаздары мен жүлдегерлері қатарынан талай рет еститін боламыз», — деп жазды СҚО әкімі әлеуметтік парақшасында.
.