Облыс орталығында коммуналдық қызметкерлер күшейтілген режимде жұмыс істеп жатыр
Петропавлда комуналдық қызметкерлер күшейтілген режимде жұмыс істеп жатыр. Өткен демалыс күндері облыс орталығынан 3 мың текше метрден астам қар шығарылды, деп хабарлайды тілшіміз.
Аталған жұмыстарға 150 техника мен 200 адам жұмылдырылған. шаруалар әсіресе түнгі уақытта жүргізіледі. Жергілікті әкімдік өкілдерінің айтуынша болашақта бұл іске 300-ден астам техника тартылады.
«Демалыс күндері өңірде қалың қар жауды. Осыған байланысты коммуналдық қызмет күшейтілген режимде жұмыс істеп жатыр. Кеше түнгі уақытта механикалық тазалау жұмыстары жасалды. 100-ге тарта техника жұмыс істеді. Осы ретте тұрғындарға көліктерін жол жиегіне қалдырмауды ескертеміз. Ал таңертең қызметкерлер көшелерге құм мен тұз қоспасын себеді», – деді Петропав қаласы әкімінің баспасөз хатшысы Әсем Айтулова .