Жарияланған күні: 11.03.2024
СҚО әкімі тұрғындарды Рамазан айымен құттықтады
СҚО әкімі Ғауез Нұрмұхамбетов өңір тұрғындарын Рамазан айының басталуымен құттықтады.
— Қымбатты жерлестер! Баршаңызды мұсылмандар үшін қасиетті Рамазан айының басталуымен шын жүректен құттықтаймын. Бұл – шексіз ізгілікке, адамгершілікке және рухани тазаруға бастайтын кезең.
Қасиетті айда ораза ұстау мейірімділікке, кешірімді болуға және қайырымдылыққа үндейтін сауапты іс. Ниеттеріңіз қабыл болсын!
Қасиетті Рамазан айы бәріңізге жақсылық, молшылық пен бақ-береке әкелсін! Еліміз тыныш, жұртымыз аман болғай.
Ораза қабыл болсын! — деп жазды әлеуметтік желідегі жеке парақшасында облыс әкімі.