Жарияланған күні: 26.03.2024
Өртенген үйден 5 адам құтқарылды
Облыстағы төрт пәтерлі үйдің бірінде өрт шықты. Абырой болғанда зардап шеккендер жоқ.
СҚО ТЖД департаментінің мәліметінше, кеше өрт оқиғасы тіркелді. Қызыл жалын жайлы ақпарат «101» пультіне сағат 12:56-да түсті.
– Өрт 60 шаршы метр аумақты шарпыды. Құтқарушылар 5 адамды қауіпсіз жерге шығарды. Отты ауыздықтауға жеке құрамның 26 қызметкері мен 6 техника жұмылдырылды, — дейді баспасөз қызметіндегілер.