«Құлагер» ипподромында жазғы ат жарысы маусымы ашылып, тартысты бәсекеге 50-ге шабандоз қатысты. Доданың салтанатты ашылуында облыс әкімінің орынбасары Қанат Дүзелбаев сөз сөйледі.

Ат жарысы ұлттық ойын «Қыз қуудан» басталды. Кейін облыс әкімінің орынбасары сөз сөйлеп, шабандоздарға сәттілік тіледі.

— Құрметті спорт мерекесіне қатысушылар, сіздерді ат жарысы маусымының ашылуымен құттықтаймын. Бүгіндері өңірімізде 800-ден астам жасөспірім қазақ күресімен айналысады. Соңғы жылдары ат спортына да балалар тарапынан қызығушылық артап келеді. Биылғы сайысымыз әділ өтетініне сенімдімін. Жүзден жүйрік жеңіске жетсін, — деді Қанат Дүзелбаев.

Шабандоздар үшін алты түрлі сайыс ұйымдастырылды. Спортшылар жорға жарысында 7000 метрге шапса, үлкен желісті аттар мен Орловтың төрт жасар желісті жылқылары 1600 метрге, құнан бәйгеде 5000, ал аламан бәйге жарысына қатысқандар 13 мың метрге шапты.

А.Винокуров Париж Олимпиадасы туралы: «Бастысы – қатысу» деген біздің ұран емес