Бүгін Медициналық колледжде СҚО әкімі Ғауез Нұрмұхамбетов өңір дәрігерлерін және денсаулық сақтау саласының ардагерлерін Медицина қызметкері күнімен құттықтап, марапаттарды табыс етті. Кәсіби мереке – дәрігерлерге, медбикелерге, фельдшерлер мен санитарларға тағы да шынайы алғыс білдіретін ерекше күн. Дәрігерлер күн сайын қажырлы еңбектің арқасында адамдардың өміріне араша түсіп, үміт сыйлайды.

Өңір басшысы денсаулық сақтау саласының ардагерлеріне ерекше алғыс айтты.  Еңбекқорлық пен кәсібилік медицина қызметкерлерінің барлық буындары үшін шынайы үлгі болып табылады.

— Су тасқыны кезінде дәрігерлеріміз баға жетпес көмек көрсетті. Әрбір эвакуация пунктіне жауапты медицина қызметкері бекітіліп, тәулік бойы медициналық және психологиялық көмек көрсетілді. Адалдық, мейірімділік пен қамқорлық үшін сіздерге бас иеміз! Мереке күні амандық, тұрақтылық және ең бастысы денсаулық тілеймін. Мейрам құтты болсын!, — деп жазды облыс әкімі әлеуметтік желіде.

СҚО әкімі өңір дәрігерлерін кәсіби мерекемен құттықтады