Тайынша ауданында екі бірдей бала суға батып кетті. Қайғылы оқиға маусымның 16-сы күні орын алды.  Шағалалы өзенінде тіркелген жағдай жасөспірімдердің денесін іздеуге ТЖД мен полицейлер және аудан волонтерлері жұмылдырылды.

Нәтижесінде біреуінің денесі кеше кешке, ал екіншісін мамандар бүгін таңертең тауып алды.

— Балалар 16:30 шамасында суға батып кеткен. Олардың біреуі Тайынша, екіншісі Атбасар қаласының тұрғыны. Балалардың бірі Тәжікстан Республикасының азаматы екен. Олар ата-аналарынсыз шомылуға барған. Қазіргі уақытта екеуінің де денесі арнайы тексеріске жіберілді, – деді облыстық ТЖД баспасөз қызметі.

300-ге жуық елді мекенде өрт шыққанда су алатын балама көздер қарастырылмаған