Петропавлда «Мерейлі отбасы» ұлттық байқауының облыстық кезеңі өтті. Оған өңір аудандары мен қаладан 60-тан астам отбасы қатысты.

Дәстүрлі байқау 3 кезеңнен тұрды. Арнайы құрылған қазылар алқасы 60-тан отбасының ішінен үздігін анықтады. Нәтижесінде Ақжан ауданындағы Хасеновтер әулеті жеңімпаз атанды.

– 2013 жылы бұл байқауға алғаш рет менің ата-анам қатысты. Енді біз жастар аға буынның жолын қуып, бағымызды облыстық кезеңде көрдік. Енді міне жеңімпаз атанып отырмыз. Шаңырағымызда 4 қызды тәрбиелеп келеміз. Өнерге жақынбыз әрі салауатты өмір салтын ұстанамыз. Бұл жеңіске жетуге септігін тигізді деп ойлаймын, – дейді Нұрқасым Хасенов.

Енді Хасеновтер әулеті Астанада өтетін республикалық кезеңге қатысады.

СҚО полициясы тұрғындарды заңсыз сақталған атыс қаруын тапсыруға шақырады