Жарияланған күні: 31.07.2024
Дүниежүзілік көшпенділер ойындарына байланысты жазғы демалыс ұзартыла ма
Астана әкімдігі Дүниежүзілік көшпенділер ойындарының өтуіне байланысты мәлімдеме жасады.
Әкімдіктің Telegram арнасында жариялаған мәліметі бойынша, жаңа оқу жылы (мектеп оқушылары, студенттер) штаттық режимде 1 қыркүйек күні басталады. Дүниежүзілік көшпенділер ойындарының өтуіне байланысты жазғы демалыс ұзартылмайды.
Сондай-ақ Ғылым және эоғары білім министрі Саясат Нұрбек БАҚ өкілдеріне Астанада өтетін Көшпенділер ойыны кезінде қаладағы жоғары оқу орындары қалай жұмыс істейтінін айтты.
— Шешім бар. Көшпенділер ойындары оқу процесіне ешқандай әсер етпейді. Астанадағы студенттер қалыпты режиммен оқиды. Бұл мектептерге қатысты мәселе шығар. Бірақ жоғары білім бойынша айтсақ, штаттық режимде жұмыс істейміз, — деді Саясат Нұрбек.