Жыл басынан бері өңірде ит қабудың 486 фактісі тіркелді. 270-інде үй жануарларының иесі анықталса, 218-інде адамдарға қаңғыбас иттер шабуыл жасаған.

СҚО санитарлық-эпидемиологиялық бақылау департаментінің мәліметінше, адамдарды ит қабудың 172 дерегінде 18 жасқа дейінгі балалар зардап шеккен.

– 6 айдың ішінде облыста иттер мен мысықтарды ұстау және серуендету ережелерін бұзғаны үшін 191 адам анықталды. Жалпы 213 мәрте әкімшілік хаттама толтырылып, айыппұл тағылды. Оның сомасы 5 млн. 307 мың теңгені құрады, – дейді СҚО ветеринария басқармасының баспасөз қызметі.

Мамандар қоғамдық орындарда үй жануарларын серуендету кезінде иттерге тұмылдырық кигізіп, қарғыбауды тағу қажеттігін ескертеді. Оның ұзындығы 2 метрден аспауы қажет.

Соңғы үш айда полицейлер көрші елдердегі әріптестеріне 24 қылмыскерді ұстап берді