Есіл ауданында жаңа баспаналар берілді
Есіл ауданының тұрғындары қоныс тойын атап өтуде. Явленкада халықтың әлеуметтік осал топтары үшін жаңа үйлер салынды. СҚО әкімі Ғауез Нұрмұхамбетов кезекте тұрғандарға Мария Иванова мен Галина Шаповалға жаңа үйлердің кілтін табыстап, қоныстоймен құттықтады.
Күрделі жөндеуден кейін аудандық мәдениет үйінің ғимараты мен «Болашақ» саябағы да жаңартылды.
Бұл күннің басты оқиғасы – «Ақбидай 2024» жазғы спартакиадасының ашылу салтанаты. Спорт мерекесі күрделі жөндеу көрген «Есіл» стадионында өтті. Жанында салынған жаңа спорткешенде де жарыстар өтеді.
Өңір басшысы атлеттерді спорт мерекесінің ашылуымен құттықтап, бұқаралық спортты дамытудың маңыздылығын атап өтті. Өңірде спортты дамытуға бар жағдай жасалуда. Петропавлда үстел теннисі орталығы ашылады. «Қарасай» стадионы қайта жаңғыртудың 2-ші кезеңінен кейін УЕФА талаптарына сай болады.
Облыста 3 спорт кешені, жабық бассейн және 4 жабық хоккей корты салынуда. Тағы 2 хоккей кешенін салу жоспарда бар. Бұл әрбір аудан орталығында спорт кешені, стадион және жабық хоккей корты бар спорт кластерін құруға мүмкіндік береді.