СКУ-ға оқуға түскендерге 1150 грант берілді
М.Қозыбаев атындағы Солтүстік Қазақстан университетіне 1150 талапкер грантқа түсті. Оның 500-і Аризона университетімен қос диплом бағдарламасына оқуға түскендердің еншісінде.
Солтүстік Қазақстан университеті баспасөз қызметінің хабарлауынша, биыл өткен жылмен салыстырғанда жоғары оқу орнына бөлінген гранттар саны 270-ке көп болып отыр. Қуантарлығы, талапкер қос дипломдық бағдарламаға қызығушылық танытуда.
– Биыл 136 адам су тасқынынан зардап шеккен аймақтар үшін берілген квота бойынша грантқа түсті. Қосымша «Қазақстан халқына» қорынан, «Freedom bank», «KAZENERGY» қауымдастығынан, СҚО әкімдігінен де гранттар бөлінеді деп күтілуде, – делінген хабарламада.
Биыл университ студенттеріне арналған 1200 орындық жатақхананың құрылысы жүргізіліп жатыр. Жақында 306 орындық жатақхана пайдалануға берілді.