Жамбыл аудандық полиция бөлімінің қызметкерлері бірден үш дүкенде заңсыз алкогольді анықтаған. Рейдтік іс-шаралар барысында құрамында спирті бар өнімдерді заңсыз сақтау және сату фактілері белгілі болды.

Екі сауда нүктесінен тәртіп сақшылары 74,5 литр арақ, сондай-ақ акциздік маркасыз 258 қорап темекі тәркіледі. Ал үшінші дүкеннен алкоголь саудасына лицензиясы жоқ 83 литр арақ, 31 литр коньяк, 29 литр шарап өнімі мен 80 литр сыра сатуға қойылған.

— Барлық факті бойынша сауда нүктелерінің иелері әкімшілік жауапкершілікке тартылды. Алкоголь – басты криминогендік факторлардың бірі, ащы суға қарсы заңнаманың бұзылуымен күрес Мемлекет басшысы белгілеген заң мен тәртіп қағидатын іске асырудың маңызды шарты болып табылады, –  Жамбыл деді аудандық полиция бөлімінің бастығы Асылбек Тоқтамысов.

Осы уақыт аралығында ауданда жергілікті кәсіпорыннан дизель отынының ұрлау фактісіне тосқауыл қойылып, 43 жастағы ауыл тұрғынынан тіркелмеген аңшы мылтығы алынды.

Петропавлдағы түзету мекемелерінде кітаптар сұранысқа ие