Жыл басынан бері облыста 99 адамды ит қапты. Оның тең жартысы қаңғыбас жануарлардан жапа шеккен. Мұны СҚО санитарлық-эпидемиологиялық бақылау департаменті растап отыр.

Департамент мәліметінше, антирабиялық көмекке облыста 158 адам жүгінді. Адамдарды иттің қабу фактілері облыс орталығында ғана емес, өңірдің аудандарында да тіркелген.

Мәселен, Ақжар ауданында 6, Қызылжар ауданында 14 жағдай анықталды. Петропавлда мұндай 89 факті тіркеліп отыр.

— Жыл басталғалы төртаяқтылардың қабу фактілері жиіледі. Небары екі айдың ішінде 99 адамды ит қапса, 49 тұрғынды мысық тырнады, — делінген департамент мәліметінде.

Жануарлармен қабу, тырнау фактілері анықталысымен антирабиялық вакциналар қойылды.

ТЖМ басшысы СҚО-дағы тасқынға қарсы шараларды тексерді