Петропавлда жалпықалалық сенбілік өтті

Петропавлда республикалық «Таза Қазақстан» акциясы аясында жалпықалалық сенбілік өтті. СҚО әкімі Ғауез Нұрмұхамбетов депутаттар, ардагерлер, мемлекеттік қызметшілер және жастармен бірге қалалық мәдениет және демалыс саябағын жинады.

Сенбі күні облыс орталығының көшелеріне тек қала тұрғындары ғана емес, кәсіпкерлер, қоғам өкілдері, студенттер және түрлі ұйымдардың қызметкерлері де шықты.

— Солтүстік Қазақстан облысы — біздің ортақ үйіміз, және оны бәріміз тазалықта ұстауға міндеттіміз. Әрбір облыс тұрғынын сенбіліктерге белсенді қатысып, туған өлкеміздің көркейтуіне үлес қосуға шақырамын, — деп жазды өңір басшысы әлеуметтік желіде.

«Таза Қазақстан» акциясы аясында өңірде ауқымды жұмыстар жүргізілуде. Сенбіліктерге 23 мың адам қатысып, 10 мың көпқабатты үйлер мен жеке үйлердің аулалары тазартылды. 180 тарихи-мәдени ескерткіш және 200 аса саябақ пен сквер қалпына келтірілді. Нәтижесінде 11 мың тонна қалдықтар полигондарға шығарылды. Бұл жұмыстар елді мекендерді абаттандыру және санитарлық тазалау бойынша үш айлық аясында жалғасын табады.