Су тасқымен күреске құтқарушылар, полицейлер, жергілікті атқарушы органдар қызметкерлері мен әскери қызметшілер жұмылдырылған. Барлығы — 1500-ден астам адам. Сондай-ақ Астана қаласынан, Ақмола, Қостанай облыстарынан, ҚР ТЖМ 52859 әскери бөлімінен, Азаматтық қорғау академиясынан қосымша көмек келді. Олар тәулік бойы қорғаныс құрылыстарын салу және нығайту үшін қапшықтарды дайындап, төсеп жатыр. 

Прибрежное ауылы мен Петропавлдағы Заречный кентінің тұрғындары қазір тек қайықтардың көмегімен ғана тасымалданып жатыр.

Большая Малышка ауылында Есіл өзені су деңгейінің көтерілуіне байланысты бөгет жарылып кетті. Елді мекенде 666 адам тұратын 254 үй бар, су үйлерге кірген жоқ. Қазір су шайған жер қайта жабылып жатыр.

Жалпы су тасқыны басталғалы 148 адам, оның ішінде 24 бала эвакуацияланды, олар эвакопункттерге және туыстарына орналасты. Сондай-ақ 81 бас ірі қара мал қауіпсіз жерге шығарылды.

Петропавлдың су басу қаупі жоғары аумақтарда полицейлер күзетке тартылған