Жарияланған күні: 18.06.2025
Петропавлда сауда павильоны жанды
Петропавлда шағын сауда орындарының бірінен өрт шыққан. Алдын-ала болжам бойынша от электр сымдарының қысқа тұйықталуынан болған.
СҚО ТЖД баспасөз қызметінің хабарлауынша, Назарбаев көшесі бойындағы сауда павильонындағы жалын 25 шаршы метр аумақты шарпыған. Сауда орнының төбе жабындысы өртенген. Өрт сөндірушілердің жедел және үйлесімді әрекеттерінің арқасында от тез арада оқшауланып, толықтай сөндірілді. Зардап шеккендер жоқ. Оттың шығуына электр сымдарының қысқа тұйықталуы себеп болуы мүмкін.