СҚО әкімі құқық қорғау қызметкерлерін Қазақстан полициясы күнімен құттықтады
Маусым айы мерекелі. Бүгін 23 маусымда тағы бір ерекше мейрам бар. Ол — Қазақстан полициясы күні. Аталмыш мейраммен құқық қорғау қызметкерлерін облыс әкімі Ғауез Нұрмұхамбетов құттықтады.
— Бүгін — Қазақстан полициясы күні. Бұл күні біз қоғамымыздың тыныштығы мен қауіпсіздігін қамтамасыз етіп, қоғамдық тәртіпті күзететін азаматтарға алғысымызды білдіреміз.
Мемлекет Басшысының бастамасымен «Заң және тәртіп» қағидатын нығайту мемлекеттік саясаттың басым бағытына айналды, бұл ретте ішкі істер органдары қызметкерлеріне ерекше рөл жүктеліп отыр.
Солтүстікқазақстандық полицейлер бұл міндетті абыроймен атқарып, күн сайын қоғамдағы қауіпсіздік пен тәртіпті қамтамасыз етіп келеді.
Сіздердің батыл қызметтеріңізге, жеделдігіңізге, төзімділігіңізге және жоғары кәсібилігіңізге алғыс білдіремін. Отбасыларыңызға амандық, әріптестеріңіздің құрметін, халықтың алғысын тілеймін! Қызметтегі әр күніңіз мақтаныш пен марапатқа толы болсын! Кәсіби мерекемен! — деді облыс әкімі.