Өңір экономикасы 9,4 пайызға өсті
Облыс әкімдігінде өңір басшысының төрағалығымен жиын өтті. Отырыста соңғы 5 айда аймақ экономикасының даму көрсеткіштері талқыланды.
Жиында биылғы 5 айдағы әлеуметтік-экономикалық даму қорытындылары талқыланып, есепті кезеңнің қорытындысы бойынша облыс экономикасы 9,4%-ға өскені белгілі болды. Негізгі салаларда тұрақты өсім байқалды. Олар құрылыс — +28,9%, сауда — +12,5%, өңдеу өнеркәсібі — +12,2%, ауыл шаруашылығы — +7,5%, тұрғын үйді пайдалануға беру — +7,6%, инвестиция — +6,7%.
Жиында облыс әкімі бұл нәтижелер барлық деңгейде үйлесімді жұмыстың жемісі екенін атап өтті. Отырыс қорытындысы бойынша нақты тапсырмалар берілді. Ғауез Нұрмұхамбетов экономикалық көрсеткіштердің өсуін қамтамасыз етуді, инвестициялық жобаларды жүзеге асыру мен инвесторлармен жұмысты күшейтуді және құрылыс пен тұрғын үйді пайдалануға беру жоспарының орындалуын бақылауда ұстау қажеттігін алға тартты.