Облыс орталығында денсаулық сақтау саласындағы төтенше жағдайлар талқыланды
Петропавлда Астана қаласынан келген білікті мамандардың қатысуымен семинар-тренинг өтті. Шарада қоғамдық денсаулық сақтау саласындағы төтенше жағдайларды басқару жүйелерін нығайту тақырыбы әңгіме өзегіне айналды.
— Апат ешқашан айтып келмейді. Мамандар кез келген жағдайға дайын болуы тиіс. Бүгін олардың дайындығын тексереміз, әртүрлі тапсырма береміз», — ҰҚ ДСО қоғамдық денсаулық саласы ТЖ жөніндегі орталығының директоры Сауран Ердесов.
Семинарға санитарлық-эпидемиологиялық бақылау қызметінің мамандары, ТЖД мен денсаулық сақтау басқармасының өкілдері қатысты. Мәселен, болуы мүмкін тасқын кезінде тұрғындар уақытша тұрақтарға көшіріледі. Бір нысанда 50-ге жуық адам болуы мүмкін. Оның ішінде жасы да, кәрісі де бар. Халық көп шоғырланған жерде жұқпалы аурулардың өршу ықтималдылығы жоғары. Сол сәтте мына отырған мамандар жүйелі түрде әрекет етуі қажет. Денсаулық сақтау саласында 25 жылдан астам тәжірибесі бар Жанат Әбілов шарадан мол ақпар алған.