Бүгін Петропавл қаласының әкімі бейресми форматта өткен жиынға қатысып, журналистермен тілдесті. Серік Мұхамедиев СҚО тілшілермен әңгімелесіп, олардың сұрақтарына жауап берді. Белгілі болғандай, «Қызыл сызық» аймағында орналасқан сауда дүңгіршіктері алдағы уақытта сүрілетін болады. 

Қала әкімінің айтуынша, бұл сауда орындары Петропавлдың эстетикалық сыйқын бұзып қана қоймай, олардың «Қызыл сызықтың» бойында орналасқан. Айта кету керек, сауда-саттық бутиктері 2019 жылы орнатылған болатын.

— Осыған дейін қаламыздың қақ ортасында орналасқан орталық сауда орындардың бірі сүріліп, басқа жаққа көшірілді. Бұл жақсы үрдіс. Ендігі мақсатымыз дүңніпшіктерді өзге аймаққа қою. Сонда ғана қаланың әсем көркі де сақталады. Серуендеуге де көбірек орын болмақ, – деді Серік Мұхамедиев.

Сонымен қатар әкім жақында өрт болған Интернациональная көшесіндегі павильондардың тек жол жиегінде орналасқанын ғана емес, электр желілеріне талапқа сай емес түрде қосылғанын да айтты. Әкім соңғы өрттер бұл құрылыстарды бұзудың қажеттілігін растайтын «алғашқы нышан болуы мүмкін» екенін жеткізді.

Энергетика вице-министрі петропавлдықтармен кездесті