Петропавлда сыбайлас жемқорлыққа қарсы іс-шаралар талқыланды

Петропавлда «AMANAT» партиясы жанындағы Республикалық сыбайлас жемқорлыққа қарсы кеңестің отырысы өтті. Кездесуде мемлекеттік сектордағы ашықтықты күшейту және қоғамдық бақылау тетіктерін дамыту мәселелері талқыланды.
⠀

Облыс әкімінің бірінші орынбасары Марат Тасмағанбетов аймақтағы сыбайлас жемқорлыққа қарсы күрес жұмыстарының нәтижелері мен проблемалық тұстарын баяндады. Мысалы, жыл ішінде өңірлік комиссиялар 105 мәселені қарап, 350 тапсырма берген, оның 94%-ы орындалған. Бюджеттік аудит нәтижесінде 1 млрд теңгеден астам қаржылық бұзушылық анықталып, 141 қызметкер жауапкершілікке тартылды. 369 жемқорлық тәуекелі анықталып, оларды жою үшін шаралар қабылданды.
⠀
Марат Тасмағанбетовтың айтуынша, сандық технологиялар сыбайлас жемқорлықты азайтудың маңызды құралы. Қазіргі таңда Солтүстік Қазақстан облысында мемлекеттік қызметтердің 99%-ы электронды форматта көрсетіледі, ал рұқсат беру қызметтерінің саны екі есеге артты. Азаматтарды қабылдау орталықтарының арқасында мемлекеттік органдардың ашықтығы да артты. Жыл ішінде 9 мыңнан астам өтініш түскен, ал мемлекеттік қызметшілерге қатысты шағымдар 30%-ға азайған.
⠀
Отырысқа қатысушылар бюджет қаражатының дұрыс және ашық жұмсалуына ерекше көңіл бөлді. Бұдан басқа олар ауыл шаруашылығы саласында жемқорлыққа қарсы шаралардың, құрылыс, инфрақұрылым және тұрғын үй-коммуналдық шаруашылық салаларында алдын алу шараларының маңыздылығы атап өтті.
⠀

— Сыбайлас жемқорлыққа қарсы саясат – бұл бір реттік шара емес, басқару процестеріне енгізілуі тиіс жүйелі жұмыс. Егер ашықтық пен қоғам сенімі болмаса, жетістіктердің құны болмайды. Біздің міндетіміз – сыбайлас жемқорлыққа орын қалдырмайтын ережелерді қамтамасыз ету, – деді Республикалық сыбайлас жемқорлыққа қарсы кеңестің Ерлан Сайыров.
⠀

Кеңес мүшесі Нұрлан Әуесбаев Солтүстік Қазақстан облысындағы сыбайлас жемқорлыққа қарсы жұмысты талдау нәтижелерін ұсынды. Қылмыстар саны азайғанымен, құрылыс, бюджет және әлеуметтік қорғау салаларында тәуекелдер бар.