Петропавлда отшашуларды заңсыз сату фактілері анықталды

«Пиротехника» республикалық акциясы аясында облыстық төтенше жағдайлар департаменті қызметкерлері полиция органдарымен бірлесіп рейдтік іс-шараларды өткізуде. Акция басталғалы бері 10 адам әкімшілік жауапкершілікке тартылды. 

СҚО ПД ақпараты бойынша, 10 адамға 500 мың теңгеге жуық айыппұл салынды. Заңсыз сатылған пиротехникалық бұйымдар айналымнан алынған.

Мамандардың айтуынша, сертификатталмаған немесе дұрыс қолданылмаған пиротехника адам өмірі мен денсаулығына үлкен қауіп төндіреді. Әсіресе балалар мен жасөспірімдердің қолына қауіпті бұйымдардың түсуі ауыр салдарға әкелуі мүмкін.