Сергеев су қоймасында судың деңгейі көтерілуде

Сергеев су қоймасы 120% толған. Өткен тәуліктің ішінде судың деңгейі 14 см-ге көтерілген.

Сергеевка қаласы маңында Есіл өзенінің деңгейі бір тәулікте 89 см-ге көтерілді. Бөгеттің жотасы арқылы тасыған су биіктігі қазір 116 см-ге жетті. Ал Петропавлдағы гидрологиялық нысанда су деңгейінің 12 см-ге төмендегені тіркелді.

Гидрологтардың болжамынша, Петропавлға су тасқынының екінші толқыны мамыр айының басында келмек. Бірақ оның ауқымы былтырғыдай болмайды.